ذاكري بطريقته
الفهم ووضع خطة المذاكرة
التقييمات
معركة يومية؟
نفهم خلاله المهارات اللي معطّلة طفلك في المذاكرة، ونتدرب عليها خطوة بخطوة لحد ما نبني خطة تناسبه هو.
هل ده شكل المذاكرة عندكم؟
مهمة بسيطة تبدأ... واليوم كله يتقلب.
هو مش عايز؟ ولا مش قادر؟
ولا إحنا محتاجين نغيّر طريقة المذاكرة نفسها؟
المشكلة مش دايمًا إنه «مش عايز يذاكر»
طفلك ممكن يكون ذكي جدًا وعارف المطلوب منه... لكن تنفيذ المطلوب يحتاج مجموعة من الوظائف التنفيذية اللي ممكن تكون أصعب بالنسبة له.
وعلشان كده...
أحيانًا إحنا بنطلب منه يذاكر بطريقة
لا تناسب طريقة عمل مخه.
بدل ما السؤال كل يوم يكون:
«أعمل إيه علشان ابني يذاكر؟»
خلينا نبدأ بالسؤال الأهم:
إيه اللي موقف طفلي عن المذاكرة فعلًا؟
لما نعرف الإجابة... نقدر نختار الأداة المناسبة بدل ما نجرب حلول عامة ممكن تنفع مع طفل وما تنفعش مع طفل تاني.
هنفهم الأول طريقة طفلك وصعوباته، وبعدها نبني خطة تناسبه هو.
بندور على الطريقة المناسبة لطفلك.
هتكون عندك صورة أوضح عن نقاط القوة والصعوبة عند طفلك، ومن هنا يبدأ أسبوع التدريب الحقيقي.
خلال الأسبوع هنشتغل سوا كل يوم على واحدة من المهارات التنفيذية المرتبطة بالمذاكرة.
هدفه إننا نكتشف مع بعض إيه اللي محتاجه طفلك فعلًا ونتدرب عليه.
✓ إيه التدريبات اللي استجاب لها بشكل أفضل؟
✓ إيه اللي نجح وإيه اللي ما اشتغلش؟
✓ ليه استراتيجية نفعت وأخرى لأ؟
✓ إيه اللي محتاج نعدّله؟
✓ وإزاي تكملي بعد انتهاء الأسبوع؟
تخرجي بخطة تناسب احتياجات طفلك ومهاراته هو... مش خطة عامة لكل الأطفال.
في نهاية الورشة...
مش هتخرجي بمعلومات وبس
هتخرجي بأدوات تقدري ترجعي لها في المذاكرة اليومية.
✓ تقييم أوضح لطريقة طفلك في الدراسة
✓ خطة مذاكرة خاصة به
✓ أدوات تساعده على بدء المهام
✓ طرق عملية لتقليل التشتت
✓ استراتيجيات لتنظيم الوقت والمهام
✓ أوراق عمل تساعدك في التطبيق
✓ فرصة لمراجعة الخطة وتعديلها بعد التجربة
من معركة يومية... لطريقة أوضح للمذاكرة
دلوقتي
✕ "يلا ابدأ بقى!"
✕ تذكير مستمر
✕ وقت طويل ومذاكرة قليلة
✕ صراع على كل مهمة
✕ إحباط للطفل وللأم
الهدف بعد الورشة
✓ أفهم إيه اللي موقفه
✓ أعرف أبدأ معاه منين
✓ أقسم المهمة بما يناسبه
✓ أختار الاستراتيجية حسب المشكلة
✓ أعدّل الخطة بناءً على اللي بيحصل فعلًا
مين هتكون معاكي في الرحلة؟
د. ولاء حسني
استشاري الطب النفسي للأطفال والمراهقين
خبرة أكثر من 20 عامًا في العمل مع الأطفال والأسر، مع خبرة في اضطراب فرط الحركة وتشتت الانتباه والتحديات المرتبطة بالوظائف التنفيذية والدراسة.
الهدف من الورشة مش إضافة معلومات جديدة عندك وبس... لكن مساعدتك تحولي الفهم إلى خطوات قابلة للتطبيق مع طفلك.
